Lufta Psikologjike; nga Besnik Prishtina

LUFTA PSIKOILOGJIKE
21 dhjetor 2007

Besnik Prishtina



Pas refuzimit të aprovimit të Planit të Ahtisarit ne demonstratat e 28 Nëntorit 2006 dhe të 10 Shkurit 2007 kur edhe u vranë dy dhe u plagosën rethë 90 demonstrues si dhe u helmuan me helme kimike e u rrahën me mija të tjerë nga polica e vendeve të BE (nga Italia, Polonia, Rumania e tj.) në kuadër të UNMIK-ut, OKB nuk i mbet gjë tjetër pos të e tërheqë përkohësisht Planin e përgjakshëm të Ahtisarit. Arsyetimi zyrtar i OKB u dha ndryshe. Ne te u tha se Plani i Ahtisarit nuk u vu në votim në KS të OKB, sepse “...atë do të e refuzonte Rusia me kërkesë të Serbisë...”!

Në realitet Planit të Ahtisarit i bën VETO dhe i than JO Adem Demaçi, Albin Kurit dhe Personalitet tjera së bashku me Lëvizjen VETËVENDOSJE si dhe vet Populli i Kosovës me 10 Shkurt 2007!

Nuk duhet të harrohet dita e 10 Shkurit 2007 kur në ballë të demonstratës ishte Adem Demaçi derisa nga ndërtesa e Ministrisë për Punë Publike, nga ndërtesa e Qeverisë dhe nga ndërtesa e Parlamenti të Kosovës po e shikonin për dritare këtë skenë kur po përgjakej populli i cili kërkonte VETEVEDOSJE dhe kur mund të vritej edhe Adem Demaiçi e Albin Kurit nga policia e huaj kriminale. “Deputet e ministra, Kryeministri e Kryetari i Parlamentit dhe Presidenti” i Kosovës po bënin sehir si dikur Fadil Hoxha, Sinan Hasani, Xhavit Nimani, Mamut Bakalli e mamut çakallet tjerë në vitin 1981 kur milicia jugosllave po i përgjakte rrugët e Kosovës!

Bile u gjet edhe njëfarë “Hajrie Spikerica” me emrin Ulpiana Lama që krimet e policës të BE/UNMIK-ut i quajti si të arsyeshme! U gjet një Naim Pyka e do tjerë deputete që po flisnin kundër vetëvendosjes si dikur Dushan Ristiqi! Vet Shermet Ahmeti që dikur ishte “gjeneral” i milicisë serbe e tani morri grada “gjenerali” nga UNMIK-u komandonte nga prapavija në krye të një shtabi koolaborator fashist si dikur SS Brigadat e ballit që i shërbenin nazizmit kundër vëllezërve të vet shqiptar! Sheremeti Ahmeti nuk dha dorëheqje sepse atë nuk e bren ndërgjegjja për krimet ndaj popullit të vet sepse ai nuk ka fare ndërgjegjeje! Ai udheheqi ekspeditat e milicisë serbe kundër shqiptarve qe nga koha e demonstratave të vitit 1981. Kështu ndodhi edhe me 10 Shkurt 2007. Plani i Ahtisarit u përgjak me gjak shqiptari dhe nga ai mund të dilnin vetëm “kushtetuta e ligje të përgjakshme!

Prandaj ai Plan u tërhoq për të fituar kohë për të gjet një rrugë tjetër të zbatimit të ti! Dhe ja tani ky Plan i përgjakur po i kërcohet sërish Kosovës!”

Plani Marti Ahtisarit është i hartuar nga “trojka” Bruksel-Moskë-Beograd dhe tërësia e ti merret me privilegjioet e kolonive serbe dhe të Serbisë në territorin e Kosovës dhe me shpronësimin dhe defaktorizimin e Popullit Shqiptar të cilit me këtë Plan, alla Ahtisari, i imponohet edhe falsifikimi i identitetit nacional me qëllim përfundimtar të shpërbërjes së Kombit Shqiptar dhe krijimi të “disa kombeve” te reja me identitet të falsifikuar “multietnik” në hapësirën etnike shqiptare dhe atë nën sundimin e BE!

U pa se Planin e Ahtisarit nuk është e mundur për tu zbatua në Kosovë as me pëlqimin e institucioneve kukulla të OSBE, si Presidenti, Parlamenti dhe Qeveria provizore sepse Populli e bëri me dije OKB se këto far institucionesh provizore nuk kanë mandat të marrin vendime për fatin e ti. Megjithatë BE i organizoi “Bisedat e Vjenës” mes shqiptarëve e serbëve dhe tër kohën e udhëzoi palën serbe që publikisht të e “refuzon” Planin e Ahtisarit! Por në të njëjtën kohë ky plan filloi të zbatohet nga kisha ortodokse në Kosovë me udhëzimet e Beogradit . Dihet mirë se mbeturinat e kolonive Serbe në Kosovë nuk bëjnë as një veprim pa instruksionet e Beogradit. Pra, edhe kjo demonstratë “kundër” pranisë së BE në Kosovë i bë me instruksionet e Beogradit, por me dirgjem të BE !

Kjo lojë e ndyrë ka filluar që nga Konferenca e Rambujesë dhe vazhdimisht kur planet e BE i “refuzon Serbia” ato duhet ti “miraton” Kosova, del se ato qenkan në “dëm” të serbëve me që Serbia po “refuzuaka”. Pra, ato qenkan automatikisht në “dobi të shqiptarëve”!

Me fjalë të tjera tani kur Serbia më nuk është në gjendje të e mbanë vet Kosovën nën sundimin e vet dhe asaj i duhet prania e BE për të e arrite këtë, përmes të aneksimit dhe sundimit me institucionet e krijuara nga agjenturat e veta të korruptuara në vendin ton – Koshtunica deklaron se “refuzon” pranin e BE në Kosovë dhe në Mitrovicë “shpërthejnë” demonstratat e porositura nga ai dhe Solana për të ia mbushur mendjen shqiptarëve se prania e BE në Kosovë “është në interesin e tyre”. Kjo është një masë për të pamundësuar demonstrimin e shqiptarëve ndaj pranisë së diktaturës së BE në vendin ton!

Kjo lloj lufte psikologjike është ber edhe gjatë luftës kur me instruksione të tilla LDK krijonte “ministri” e “ushtri” formale për të treguar se: “ ja ku kemi institucionet dhe se nuk ka nevojë për UÇK”!

Kjo lutë psikologjike tani ka filluar të zhvillohet edhe me organizimin e “demonstratave” me do “nisma studentore” prej 17 agjenturave të formuara në mesin e studentëve nga ana e OSBE dhe të si qendrave tjera agjenturore, me kërkesës që “pavarësia e Kosovës të njihet sa më par si pas Planit të Ahtisarit”! Krijimi i këtyre “organizatave shkollore e studentore” si dhe krijimi i degëve partiake brenda shkollave e fakulteteve në Kosovë është bërë me qëllim që të përçahet dhe të manipulohet rinia. Mu për këtë është krijuar edhe “parlamenti studentor”!

Merreni me men sikur në Kosovë, gjatë luftës të mos vepronte vetëm UÇK por të ishin edhe nja 17 – 18 ushtri tjera se si do të ishte zhvilluar lufta çlirimtare. Jo ! Në ato kushte shqiptarët nuk kishin pas kohë me luftuar kundër Serbisë sepse kishin zhvilluar lutë mes vete. Si Palestinezët! Kështu ndodhë edhe me këto dhjetëra “organizata rinore” të krijuar në formë agjenturash. Qëllimi i tyre është të e përçan dhe paralizon rininë!

Edhe krijimi i Partive Politike provizore në pranin e huaj civile e ushtarake pas vitit 1999 është bëre me po këtë qëllim që shqiptarët të merren mes veti për ti sunduar më lehtë i treti!
@
E drejtë dhe e logjikshme është që në kushte të sundimit të huaj të mos ekzistoi as një parti politike dhe as një lloj tjetër përçarje por vetëm një Lëvizje Unike Kombëtare. Partitë Politike luftojnë për të ardhur në pushtet. Kur nuk ka liri e shtet si ka mundësi të luftohet për pushtet? Nën sundimin e huaj ka mundësi vetëm të krijohen institucione marioneta të sundimit të huaj!

Prandaj rinia shkollore dhe studentore shqiptare, në shkolla e fakultete, duhet ti paralizon të gjitha agjenturat partiake dhe ato të spiunazhit pas të cilave është OSBE dhe garniturat tjera agjenturore ndërkombëtare në Kosovë dhe të e njeh vetëm UNIONIN E STUDENTVE SHQIPTAR dhe sa herë qe studentët duan të merren me çështje madhore kombëtare, ata duhet ti drejtohen liderit studentor të 1997 Albin Kurtit dhe Lëvizjes Vetëvendosje, sepse vetëm bashkimi dhe disiplina e sjellin lirinë!.

Të ritheksojmë edhe njëherë se në vendin tonë është duke u zhvilluar luftë speciale psikologjike për të na hutuar e për të na mashtruara, për të na përçarë dhe për të na vu në gjumin e vdekjes! Me qëllim që vendi i ynë të heq dorë nga liria dhe bashkimi kombëtar dhe të pranon sundimin e huaj të BE!

Prani e BE në Kosovë dhe në gjithë vendin ton nuk mundet të merr legjitimitet as nga OKB dhe as nga ndonjë instancë tjetër, prandaj BE tani po kërkon që asaj ti behet thirrje nga “institucionet e Kosovës” që ajo të vie në vendin tonë, ndryshe prania e BE në vendin ton do të ishte ilegale. Por, institucionet e dala nga zgjedhjet e 17 Nëntorit dhe 8 Dhjetorit 2007 nuk e kanë mandatin e Popullit sepse ai nuk pranoi të dali në zgjedhje pa u zgjedh statusi i Kosovës.

BE nuk ka se çfarë të kërkoi në Kosovë sepse ajo është një organizatë ku së shpejti do të anëtarësohet edhe Rusia e Serbia dhe ne nuk pranojmë që Serbia të kthehet në Kosovë përmes të BE!


kthehu prapa